شعر خالد الفيصل عن الفراق
الشاعر خالد الفيصل، هو الأمير خالد الفيصل بن عبدالعزيز آل سعود، أمير منطقة مكة المكرمة، ومستشار الملك، وهو شاعر وله الكثير من الأشعار في الحب والفراق وغيره، عمل خالد الفيصل في رعاية الشباب بوزارة الشؤون الاجتماعية وتعزى إليه فكرة إقامة بطولة كأس الخليج لكرة القدم، تم تعيينه أميرًا لمنطقة عسير في عام 1971، وفي 16 مايو 2007 عين أميرًا على منطقة مكة المكرمة، وفي 22 ديسمبر 2013 عين وزير التربية والتعليم حتى عام 2015، بعدها تم تعيينه مستشارًا للملك سلمان بن عبد العزيز ، وأمير منطقة مكة المكرمة (للمرة الثانية)، بالإضافة إلى ذلك فهو عضو في هيئة البيعة السعودية عن والده الملك فيصل بن عبد العزيز آل سعود.
قصائد خالد الفيصل
قد لا يعلم الجميع أفضل
قصائد خالد الفيصل
، والآن سنقدم لكم مجموعة من أروع تلك القصائد ومنها :
قصيدة بشروني عنك
بشروني عنك مايدرون عــنـي … ما دروا باللي شغل فكري وظني
اتـسـمـع للـحـكـي بـك واتـحــفــظ … خــايف دقــات قلبي يفضحني
كل ما سموك باسمك فز قلــبي … والضماير والمدامع شاغلني
يا حـبيبي يــوم جنــبــت الحـبايب … عفت لاجلك كل من قبـلك فتنـي
من عرف قربك عرف طعم السعاده … وإن تشطرت ادرك غبون التمني
فـي هـواك من العسـل لذة مذاقه … لكن حروس النحل عنها حدني
ماعدا اسـمع ولا أوحـي فيك عاذل … والعذاري جــهــل لــو داعـبنـي
لـك عيـون فعلها بي فعل ظالم … من عرفتـك يالغـظي ما ريحني
ان تـــفـارقـنا تـغايـا لـي بـليــلــي … وان تقابلنا دهني واخجلني
خذاك الزمن
خذاك الزمن مني
وترك لي أشواقي
ليته خذا ذكراك
من كل أوراقي
الصهد ولع حياتي
ليتها لمعة قمر
تذكر أيام القمر؟
كيف السمر أصبح سهر
كيف الأماني.. أصبحت شكوى
عمر ليه انطفى
فيك الزمان ليه اختفى
فيك الأمان خذاك الزمن مني
يا روعة أيامي ولوعة حاظري
يا بهجة الخافق ومتعة ناظري
تذكر الحب الأمل
قبل يصبح ذكريات
تذكر الفرحة.. ولهفاتي عليك
أسبق الموعد إليك
ولحظة الشوق الكبير
والخفوق اللي من الفرحة يطير
ورقصات الدقائق عند الوعد
وهمسات الحقائق قبل وبعد
ليه انطفى فيك الزمان؟
ليه اختفى فيك الأمان؟
خذاك الزمن مني
أمنع لساني
أستطيع أمنع لساني لا يقول
وأستطيع أمنع عيوني لا ترى
وأستطيع أمنع يديني لا تنول
وأمنع اذني عن سواليف الورى
لكن المشكل أنا وشلون احول
دون فكري لو خيالي به سرى
شارد أفكاري على رغمي تجول
كل ما عن الهوى وإلا طرى
كل نجم للخيال أصبح ذلول
بالفلك طواف لي ضاق الثرى
شاغلي يا راعي الطرف الخجول
باع حبك في خفوقي واشترى
يا ربيع القلب في كل الفصول
ورد حبك فاح عطره وأزهرا
مرني طيفك على العادة عجول
عز طيفك مثلما عز الكرى
ما نفع تحذيري القلب الجفول
يرقد الخالي وعيني تسهرا
بسألك قلي ولو فيها فضول
كيف تذبح من يشوفك ما درى
تعال أسهر
تعال أسهر معك يا اسمر عشية
تعال أسلي خاطرك يا عيوني
تهن وخل عيني بك هنيه
أنا وإياك والدنيا تهون
ترى الدنيا لياليها شقيه
حذاري تستبد بك الظنون
نويت وكل قلب فيه نية
على إني لك وفي روحي تمون
هواك بخاطري سوى سوية
تركني بين أياديك معنون
يا وش بقى
يا وش بقى بأعطيك مني
ولا جاك ما باقي إلا روحي
أحيا بها لك أوصف جمالك
كل ما أنشدت وأهواك
وأزين أيامي بجلسة خيالك
يالغايب الحاضر بقلبي
ولا ألقاك أقرب من عروقي
وصعب منالك شالك زماني
عن عيوني ووداك
لا شك وثق في ضلوعي حبالك
يا حاجب شمسي ورى ليل جفواك
ما بالعهد بك قاسي في دلالك
وش غيرك يا منوة القلب و أطغاك
على حبيب ما تخير بدالك دنياي
ما تصلح بلا شمس دنياك
والليل يوحش لو تغيب هلالك
ماينقطع ظما الهوى إلا على ماك
ولا يهون حره إلا ظلالك
ولا تشوف العين زين بلياك
ولا يطرب سمعي إلا مجالك
ولا انتفض قلبي من الحب لولاك
ولولاك ما يبدي علي ما بدا لك