قصيدة خلف بن هذال في اليوم الوطني
الشاعر
خلف بن هذال
شاعر سعودي نشأ في مسقط بلدة ساجر، ولد في يوليو 1943، تزوج الشاعر خلف من اخت جهيمان العتيبي، بدأ الشاعر عمل في السابعة عشر من عمرة بـ 3 ريال سعودي يوميا، ثم توجه إلى
دولة الكويت
وعمل بعض المهن المختلفة، وقام بتلحين وتسجيل قصائدة بصوته العذب بفضل تشجيع اصدقائة .
خلف بن هذال في اليوم الوطني
ياوطنا ياوطنا عمت عين الحسود
ماتهزك لازوابع ولا غدر عملا
ياوطنا لاتزعزع وحنا لك جنود
البلا نصب وفوقه مقابيس البلا .
القصيدة الوطنية الحماسية لخلف بن هذال
يالله بمانك من النكبات تامنّا
والدار بحماك تمّنها وتامنها
لأوامر القايد الأعلى تمثلنا
أرواحنا في سبيل الله نعربنها .
من أشهر أبيات قصائد اليوم الوطني لخلف بن هذال
ياشيخ جابر لك الله ماتهاونا
الفهد يأكد العودة ويضمنها
ياشيخ والله زعلك اليوم مزعلنا
والمهزلة والمهونة مانواطنها
قصائد خلف بن هذال
قصيدة يقطعك يا حب – خلف بن هذال
يقطعك يا حب توقف على ماش
ومن حب حلوين المظاهر بلاشي
اللي يبيعون المحبين ببلاش
حلوين الألسن والقلوب الغشاشي
العرق لو قصر على المي ماعاش
والشمس لو تغرب على الكون عاشي
تفخر بزينك يوم تجفل وتنحاش
ماتدري اني منك قانع وماشي
من اول عيني ترفرف بالارماش
جفن غطا والجفن الاخر فراشي
مطوع لك قلب ابيض من الشاش
ومستدخلك بين القلوب الهشاشي
واليوم أبنقش سر حبك بمنقاش
الله ولا حب سعى فيه واشي .
قصيدة يامحلل الموقف – خلف بن هذال
يامحلل الموقف نبي منك تحليل….. وش خطة في خاطرك تعتمدها
ذاب السلام وصار مسرح وتمثيل… سجدة سهو تاجب على من سجدها
ما في الحقيبة للعروبة محاصيل ……. سوالف تصدى الكبود بكبدها
وش منطق الأجيال من بعد هالجيل ……. ياحسرة التاريخ وامر وادهى
الله وانا سائله يدمر إسرائيل ……. ينشي غضب ربي عشاه ويهجدها
تلقح بسحب مثل حمر الغراميل ……. عج مطرها والزلازل رعدها
تمطر سخط منها الصواعق نوازيل ……. يزفر هواها ويتسلخ بردها
يجتثها الرحمن بجناح جبريل……. وتصبح معالم للعرب من بعدها
تكتب على الخنزير طه وتنزيل……. يانجس مبداها ومكبر حقدها
والله جريمة منكرة يا رجاجيل……. حتى الدول باعرافها تنتقدها
الصبح فوق كلابها تلقى الانجيل ……. جرثومة دب المرض في جسدها
استفحلت واللي عليها مهابيل……. قامت على انقاض الخيانة عمدها
من الفرات بخارطتها إلى النيل……. عصابة تسرح وتمرح وحدها
عنها الصواب بعيد جملة وتفصيل ……. عميانة في غيها عن رشدها
هي مصدر الإرهاب وام الأباطيل……. لا وفق الله من يقوم بسندها
عقرب ثرى مسمومة الراس والذيل……. من حر ما فيها تنفخ غددها
عاشت على الكذبة دعاية وتضليل ……. جاها فناها يوم ربي قردها
من حارب الله له مهونه وتذليل ……. في ساعة من غيب لا تبتعدها
ألم تر كيف اهلك الله هل الفيل ……. دك ابرهه وجيوشه اللي حشدها
جاها الجزا الصارم عقوبة وتنكيل ……. وينه و وين اصنام رجس عبدها
شافت فلسطين الجريحة بهاذيل ……. شابت قضيتها وشيب ولدها
خمسين عام علوم صحف ومراسيل ……. في حالها عن حالها من نشدها
مراوحة باقدامها في المحابيل ……. عن راسها قام يتقطع زبدها
إلى متى تصبر على الظلم والويل……. تب على من هانها واضطهدها
تبكي وتغرق بالدموع المناديل ……. تنخى فهد تنخى فهدنا فهدها
تبي صباح به صياح وتهليل ……. يقضي على الفتنه وهي في مهدها
بقوة الايمان حنا هل الخيل ……. الالوية باسم الجهاد نعقدها
بالحرب نثبت في وجيه الاساطيل……. مواقف من شافها ما جحدها
حنا العرب حنا الرماح النوازيل……. نضرب على قمع الرصاصة زندها
من حبنا للموت نهذي الهواذيل ……. والنفس قبل تموت تاخذ سددها
إلى ادبر المهزوم حنا المقابيل ….. كم وقعة شعب الجزيرة شهدها
ولا نولي الزحف نزحف جحافيل ……. جحافل التوحيد في راي اسدها
بقيادة اللي يركي المتن للشيل …. عنا ثقيلات المحامل صمدها
فهد فهد .. ضير بشرب الفناجيل……. إلى ابرزت دهم الجموع يعمدها
حلال حيلي الحلاحيل حلحيل ……. يحلحل اللي ما تحلحل عقدها
دليلنا وان غاب نجم الدواليل ……. على الهدى ديرة مساره رصدها
نفداك وانصى الرشا بالمحاحيل……. ياللي حفرت لدفن الاعدا لحدها
معك أمة الإسلام تصهل تصاهيل ……. قدها يبو فيصل إلى القدس قدها .
راية الاسلام مرفوعة – خلف بن هذال
على هذا المكان ومن رعاه ومن تربع فيه .. سلام وراية الاسلام فوق الراس مرفوعه
ترف بكل عز وكل مجد وضمها بيديه امام المسلمين وكلمته بالكون مسموعه
أخص القايد الاعلى فهد درع الوطن حاميه……من العدوان ما عاثت فلول الشرك بربوعه
ملكنا اللي نحبه ثم نحبه والغلا نغليه…….على دربه نسير ونستنير الدرب بسموعه
ملكنا اللي يشرف حاضره ومشرف ماضيه…..يسجل له مدى التاريخ للتاريخ موسوعه
ملكنا اللي فتح قلبه لنا يالله لنا تحييه…….فريدات الخصايل في مقر العز مجموعه
يصون مقدسات وبالثبات مخططه ماشيه……عسى أوطانه لبراق الحيا بالرجع مرجوعه
تمتعنا بعهده بالرخاء والخير والترفيه……شربنا الماء قراح ومدنا وامتد ينبوعه
ليا صدر قرار يتم وبريشة قلم يمضيه……يورد جاري التنفيذ والاوراق مدفوعه .
قصيدة عنود الصيد – خلف بن هذال
عنود الصيد صادتني وانا من قبلها من صـاد
واصابتني بسهم(ن) من سهوم عيونها النجلي
سهوم عيونها سيف ابن ذياب شلفا ابن شداد
ومن بين الحواجب شفت بنت السحر تغنجـلي
عليها من بنات الريح ورك وخاطر(ن) منقـاد
وصدر(ن) ماظهر طلعه وساق(ن) يكسر الحجـلي
يجر القلب جر اللي يجرونه وفي قيــــاد
وانا المرهون في غرفتها ومقيد(ن) رجـلي
ليامني ذكرته صار من بين الظلوع جهـاد
يجي جمع(ن) يضايقني وجا جمع(ن) يفرجـلي
غريب الجنس مصيون
الكرامه
من بيوت اجواد
عليها اون ونت من رماه الشاطر العجــلي
يمر امرار مع تال النهار وصد جد عمـــاد
ذبحني ياهل الديرة ورا الذباح مايجــلي
زعيم الحزن لرضاه العذارى كلهن قيـاد
ابا افدي بالبنات البيض من اجله ومن اجـلي .