قصائد طلال الرشيد
الشاعر السعودي
طلال الرشيد
هو من أفضل شعراء الخليج ، طلال بن عبد العزيز بن سعود بن عبد العزيز الرشيد. ولد عام 1962 و ينتمي لعائلة آل رشيد ، ولد في مدينة الحدباء في الموصل بالعراق ، بعد وفاة والده ، عاد إلى العربية السعودية ، الجزيرة العربية ، مسقط رأسه ، تميزت حياته المهنية في جدة بذكاء كبير و نجاح باهر ، أكمل دراسته في
الرياض
ثم في الولايات المتحدة الأمريكية.
كان طلال الرشيد يحب الشعر و ميز نفسه في أنظمته ، لديها العديد من الأعمال الفنية و الثقافية ، أسس مجلة الفواصل و مجلة إبداع ومجلة البواسل ، و كان شاعرًا وكاتبًا متميزًا ،و قد قام بغناء كتاباته أشهر المطربين العرب ، كالفنان
محمد عبده
الفنان كاظم الساهر والفنان خالد عبد الرحمن والفنان
رابح صقر
، و هذا الشاعر الكبير مات بعد إطلاق النار عليه من مجموعة من الإرهابيين خلال رحلة صيده مع أصدقائه في الجزائر عام 2003 ، و هنا في هذا المقالة سوف نقدم أفضل قصائد ينظمها هذا الشاعر.
اجمل قصائد طلال الرشيد
((قالت قدر))
قالت قدر و أقول يومك تبيني
غصبن على الدنيا يدك في يديني
لا تظلمين الوقت وش ذنب الأيام
لا تظلمين الحظ لا تظلميني
غديت مابين ارجا فيك واليأس
هذا يبي مني وهذا يبيني
إن قلت شمت وخاطري طاب كذاب
وان قالت أبيك ارخصت نفسي بعيني
خيرني أمري بين أصعب خيارين
موتي أنا أو موت الحساس فيني
لكن زماني المر علمني أني
أموت محني لجل قلبي جبيني
والله ما تلقين حبي مع الناس
روحي وها لأيام بينك وبيني
العواذل
حبيبتي كل العواذل تشابه
قلبٍ ظلام ووجه يشبه للأصحاب
ولا ما غدى لك صاحبٍ ينحكى به
لا تسمعي أن كان لك قلب وأحباب
إلى مشيت الدرب يلهث سرابه
وإلى سكنت الدار ناداني الباب
وشلون أنام وهم قلبي صوابه
والشوك ينبت بين جفنين وأهداب
تعبت امني .. الأسئلة بالاجابة
وانطر شروق
الشمس
والشمس بغياب
وتعبت أناظر والمعنى عذابه
أنك بعيده والملا دونك حجاب
اجمع كلام وما أعرف الإجابه
وعندي شعور صدق والوقت كذاب
كل النجوم اللي امطرت من سحابه
حبيبتي دمعك جرح قلب واتراب
واللي وقف ما بين بابي وبابه
قلبٍ ظلام .. ولابس ثوب الأصحاب
باقي الخلق في كف
انتي بكف وباقي الخلق في كف
متعليه في وسط قلبي ولك شان
في غير وصلك مالقلبي ترى شف
محتاج لك يانور عيني وشفقان
لا جابوا اسمك صرت انا تقل مختف
مالي على نفسي الى اطروك سلطان
من غير حبك غضت عيوني الطرف
ياللي جمالك صار للزين عنوان
اريد انا قربك ترى ياغذا الحرف
وان ماحصل موتي ودنياي سيان
جتني
جتني وشافتها عيون حايرات
ذا شعاع الشمس او هذا سناها
ضاعوا اللي جوا معاها مسيرات
واقبلت تمشي تقل محدٍ معاها
ياسنا
الفضه
وياجيد المهات
ياشذى نبت الخزامى في وطاها
قلت كن بوجنتك زهر النبات
قالت ان الرمش يجرح لي صفاها
تجرح الظلما عيون ناعسات
سلهمت وأغضت تغطرس في بهاها
حققوا بالشوف في لون الشفاة
هو خذا منها الشفق والا عطاها
ولو ظلام الليل يعطينا ثبات
فيه من لون الشعر والا كساها
كيف أباصف زين كاملة الصفات
كيف أباصل في حروفي منتهاها
ذكرى الفراق
اليوم ذكرى الفراق ومرت اول سنه
اليوم لي عام متغرب وحيد وحزين
اليوم انا ضيف جرحي جيت باطمنه
اني جمعت
الدموع
وجبت امانة امين
ما يجرح الصادق الا غدر من يامنه
لا جت من احباب قلبك لا تلوم السنين
مليت من هالاماني دام مهي ممكنه
لاهي تحقق ولا ياسي بوجهي يبين
لوين انا وانت مثل الشمس والازمنه
مع كل صبحٍ يجددني لشمسك حنين
لا قلت احبك احبك كنها دندنه
او كنها وردةٍ مابين اصابع جنين
يا اجمل الناس لك بين الملا هيمنه
كثير غيرك ولكن مين مثلك و وين
يا عاذلي خذ عيوني يمكن تثمنه
تشوف عيبه وانا اشوفه ملاك حسين
امس افترقنا وانا احسب مرت اول سنه
يا طولها ليلة الفرقا سنة للحزين
ما جته في موعده
يحتريها موعد آمال كبار ناجته
يحتريها حافظ بعض الكلام اللي يبلغ حاجته
يتأمل بالوجيه يتحراها تجيه
والثواني يأس يرجي وترتجيه
لا تأمل بالوجيه
موعدك لا ما تجيه
وما جته
الناطر الموعود اشبهه بالعود
اللي وقفت يوم على متنه حمامه
راحت وناطرها تعود
طويل النفس ليله
ويرجي صبر حيله
ويله
كم تأمل بالوجيه وكم تحراها تجيه
وما جته
لو قيل لي ان القمر ياطا على متون النجوم
والشمس لا جا الليل ترخى جوانحها و تنوم
وان
الغيوم
قلب على الصحرا حنون
اصدق وما اصدق تجيه
اللي على خده يده
واللي الامل باسمه نده
قم تأمل بالوجيه
موعدك يمكن تجيه