أفضل قصائد الأمير سعود بن محمد آل سعود
مدينة الرياض
، تعلق بالأدب و الشعر منذ طفولته ، فإلتحق بالكتاتيب و حفظ
القرآن الكريم
وتعلم الكتابة و القراءة ، و تلقى علمه من العديد من العلماء الكبار في المملكة ، عُرف الأمير سعود بن محمد بالكرم و الجود و حب التعاون و
بر الوالدين
و غيرها من الخصال الطيبة التي يتميز بها أفاضل الناس ، و تولى العديد من المناصب الهامة في الدولة و الذي ساهم بدوره في بناء المملكة و تقدمها ، و في عام 1437هـ توفى الأمير سعود بن محمد آل سعود و ذلك بعد صراع دام طويلًا مع المرض تاركًا تراثًا عظيمًا من الأعمال الشعرية .
قصيدة شمس الضحى :
يا صاحبي لا تحسب اني برجواك ** ألقا بدالك وانت تلقا بدالي
أشوم وادله عنك وسج وانساك ** واترك هواك ولوك من قبل غالي
يا كثر ما يوجد مع الناس حلياك ** لو ما صفيته لي فغيرك صفالي
أغراك من زخرف لك الهرج واغواك ** لين اودعك من جوهر العقل خالي
تيه دليلك بالحكي لين خلاك ** مثل الخريش اللي مصيبه جفالي
لا شك سلا خاطري عن سجاياك ** غصن اليا هبت به الريح مالي
فرقاك عندي عيد والعيد فرقاك ** مالي ومالك وانت مالك ومالي
قصيدة بدر يفوق البدر :
ما نيب شفقان على بعض الازوال ** لا شك يلزمني إلى احترت أجامل
الله علم باللي رمى يمه البال ** اللي عليه الطرف بالدمع هامل
بدر يفوق البدر بهلال وهلال ** في مبسمه ستة عشر بدر كامل
إن أدركه حظي سعت لي بالاقبال ** دنياً هواها للمحبين شامل
يشهد لما قلته لسيدي وما قال ** الطرس والمبري وروس الانامل
قصيدة يا خطر :
ياخطر منك الخطر وأنت الخطر ** من تعرض للخطر عمره خطير
واهني اللي من القبلة حدر ** في بيوك مصندق ولا زفير
عزتي للي كذا مثلي سهر ** ما ينوم الليل من فرقا العشير
سيد للبيض ما مثله ضهر ** طاغي بالزين والملح الكثير
الخدود بنورها تعم البصر ** والعيون بموقها سيف شطير
ان بغا ذبحي على ذبحي قدر ** حيثني بالحب له مثل الاسير
يا شعاع الشمس يا نور القمر ** يا شبه عنق الغزال المستذير
واهني من جالسه بالمختصر ** فوق ديباج وزل من حرير
قصيدة قل يقول سعود :
ممشى رفيقك معك منقود ** يصير من جيز خدامك
يابو عيون هدبهن سود ** البيض خرن على اقدامك
لو يلبسون الذهب وعقود ** غلبتهن وانت بحرامك
واللي زعل قل يقول سعود ** خلي خذا الزين قدامك
قصيدة الجواهر :
كن موضي لقبلت بدر شرق ** طلعته تخجل عيون الناظرين
يا غزال بالملا زينه فرق ** له جميع البيض خروا …
كن خده يوم بش به العرق ** الجواهر في حمار الوجنتين
قصيدة موضي :
إن قيل من هي قلت هاذيك موضي ** تسكر بكاس الحب من غير مشروب
تميل مثل الغصن و الخد يوضي ** و العين عين اللي بحوران مقضوب
و معكرش مثل السحاب العروضي ** للبدر دايم طلعة فيه وغروب
لا عنك ترفان الصبايا تعوضي ** ولا فيك غير الزين والملح عذروب
لا عرضت ذكراك قلبي يجوضي ** ومن العنا دايم على الصبر مطلوب
قصيدة عفت البقاء :
يالله عجل لي حدا الراحتيني ** الموت ولا احيا حياة سعيده
عفت البقاء من حر شي يحييني ** ادخل على الله من حياة زهيده
و شلون عقبه تنظر الناس عيني ** شوف الذي غيره ما اريده ما اريده
يا زين محبوبك من الهالكيني ** سكرات موت بالدقيقه تعيده
مهموم مغموم سهير حزيني ** مسكين لا حل و لا عقد بيده
بدر بدور البيض له خاضعيني ** عندي مزايين العذارى عبيده