افضل ما قيل عن مقتل العباس مكتوب

للراغبين في الحصول على افضل ما قيل عن مقتل العباس مكتوب، فهو كالاتي : 

آنه زينب يابوفاضل رد عليّــه

سلبوني بطيحتك ماتدري بيه

ياعباس ……….. ياعباس

آنه زينب اختك وانت كفلتني

تالي وحدي محيّره بالطف عفتني

يالطحت عالمشرعه ريتك شفتني

بعدك العدوان يالكافل ولتني

خويه يضربني الشمر وشگف بديه

آنه زينب يابوفاضل رد عليّـــه

ياعباس ………… ياعباس

طايح عله المشرعه وزينب ولوها

خويه ياعباس اختك سلّبـوها

اسمع يگولون ماموجود اخوها

هذه زينب حيل بالسوط اضربوها

وحدي وين انطي الوجه بالغاضريه

آنه زينب يابوفاضل رد عليّـــه

ياعباس ………….. ياعباس

من اجاني الشمر والسوط بيمينه

صحت ياعباس وينك ياولينه

گلي اخوچ عله الشريعه مگطعينه

بلا چفوف وبالسهم مطفيه عينه

وانه جيتچ آخذچ غصباً سبيه

صحت ياعباس گوم الحگ عليّه

ياعباس ………….. ياعباس

يوارث والدي وعلمه.           وجاها

الشمر لخيامك بايده.           وجاها

تعنّه لأختك بسوطه            وجاها

سلبها گبالك وسب الزچيــــه

الكلايف تنگضي ويمك         مردها

العساكر غير بتارك.              مردها

الشمر بغيابك لروحي.          مردها

يوم الصاح طلعولي السبيـــه

خادم السيدة زينب عليها السلام

 والإمام العباس عليه السلام

سيد زيد الفحام