اشعار شهد الشمري
شهد الشمّري شاعرة عراقية مبدعة كتبت و ألقت العديد من القصائد من أجملها :
هواي احبك
هواي احبك يا شمعتي يا صباح الله وفرحتي
ويا نظر عيني وكحلها ويا تراجيي وكَذلتي
من تغازلني اعلة نجم الحب اطير واترس الدنيا بضحكتي
والصبح لوما ضحكتك تكسر الخاطر غرفتي
وعودتني بصوت دافي وين يا عمري بدلتي
بيدي اشيكك واترك انفاسي بقميصك واخذ من الشبكة حصتي
وابقة اتاني واحسب الخطوة الرجعتك
ها وصل ها روحي فرحت يعني اجيت
والكاه باحساسي عروس ودخلتك علبيت زفتي
ولمسة جفوفك تخلي احساسي طير والكة ذرعانك شجرتي
وانسة كلشي واحجي كلشي
والكة شفتينك حنان الله علة شفتي
اويلي اذا زعلان شفتك باردة تبين جهنم من اقارنه بحسرتي
تدري هواي احبك
هواي احبك
موت احبك
كومة احبك
كله خل تسمع صرختي اني مجنونة غرامك
ويامة فضحتني رحلتي اكتب اسمك وانسة درسي
وكلشي ما احل بورقتي وباقية لحد هذا عمري
وسولفت للناس قصتي وكشفت جرح الحقيقة
ونزلت اعلى الخد دمعتي انتة وينك
وك انتة وينك جاي اخابر فدوة جاوب عفية جاوب
فدووووة جاااااااااوب
الوووووووووووووووووووووووو
الشخص الذي طلبته خارج نطاق الحياة
يعني مات ماااات اي مات
وكلشي مات ابداخلي بهاي الحياة
وخلصت الرحلة الاليمة
ولفي بحضان المكَابر
واني وية الذكريات
عمري بحضان المكابر
واني وية الذكريات