اهمية النكت

يعاني جميع الأشخاص من أوقات ملل من الحديث عن ضغوطات ومشاكل

الحياة

، ولا شيء أفضل من نشر النكت والضحك من أجل التخلص من الملل والترفيه عن النفس، والنكت هي نوع من الدعابة المحببة لدى الناس، وهي حالة تفاعل مرتبطة مع الحياة وتعكس الروح المرحة والمبادرة كما أنها دليل قوة وثقة وصحة نفسية جيدة.

في كل مجتمع تركز النكت على بعض الفئات والأفكار، وغالبًا ما يكون اختيار الفئة أو المدينة أو المنطقة في النكت بشكل غير مبرر ومن دون هدف أو تخطيط، وبعض المدن تصالحت مع هذه الحالة فالنكت بالتأكيد ليست دليلًا علميًا يمكن بناء موقف عليه تجاه فئة معينة أو منطقة معينة وإنما هي وسيلة للضحك والتسلية ليس إلا.[1]

أجمل النكت في اللهجة السعودية

النكت والضحك والابتسامة هي علاجات الحياة فإن الإنسان يمل من كثرة الجد ويحتاج إلى الترويح عن النفس بين الحين والآخر، وفيما يلي

نكت بايخة

ومضحكة باللهجة السعودية:

محشش لغى موعده مع الطبيب عشانه مريض.
محشش معصب قالوله طول بالك قالهم يعني كم متر؟.
محشش انقطعت نعاله راح مخيطها وبعد أسبوع فك الغرز.
محشش قالوله الجزر يقوي

النظر

راح جايب كيليين وقاعد يطلع فيهم.
محشش يسأل اليوم السبت ولا الأحد؟ قالوه الاثنين، قالهم ما شاء

الله

كلهم مجتمعين.
محشش أخذ دواءه قبل نصف

ساعة

من موعده، سألوه ليه؟ قالهم عشان أفاجئ الجراثيم.
محشش أخذ دواءه بعد ساعة من موعده، سألوه ليه؟ قالهم عشان تطق الجراثيم من الغيظ.
محشش احترقت بقالته سألوه إن شاء الله ما خسرت كثير؟ قالهم: لا عشان كنت عامل تنزيلات.
محشش اتصل على الخطوط سألهم كم مدة

رحلة

الرياض لندن؟ قالوا له لحظة قالهم شكرا.
محشش دخل على بقالة وطلع يضحك، سألوه اشفيك تضحك؟ قال حاسبتهم وما شريت.
محششين واحد يقول للثاني من البارحة وأنا بالي مشغول، قال له الثاني يمكن حدا رافع السماعة.
محششين واحد يقول للثاني عيني من أمس حمرا وما أقدر أمشي قاله إذا صارت خضرا امشي.
محششين واحد يقول للثاني وين تشتغل قاله أنا عاطل، قاله الأول ايه أحسن من القعدة بلا شغل.
محششين دخلوا على مطعم وقعدوا قدام مرايه طلبوا أربعة شاي.
محشش داخل سينما لاقى مكتوب على الباب ممنوع الدخول لأقل من 18، راح جاب 17 من أصحابه عشان يدخلوا معه السينما.
محشش راح يبي يشتري تذاكر، قاله الموظف: تبي ذهاب وإياب ولا ذهاب فقط؟ قاله المحشش ذهاب وإياب وهو طالع قاعد يضحك ويقول تراني لعبت عليهم ابي أروح وما أرجع.
محششين واقفين واحد يقول للثاني: شفت اللوحات على الجدار، راح الثاني قاله اه بس وين الجدار.
محششين راحوا على محطة القطار ولما وصلوا لقوا القطار مشي ركضوا عشان يلحقوا القطار، الأول أسرع ولحق وركب القطار والثاني ما قدر يلحق من كثرة الضحك، سألوه ليه بتضحك؟ قالهم عشانه أصلًا جاي يودعني.
محشش أبوه قاله أبغاك تجيب 90% في معدل الثانوية قال المحشش أنا بجيب %100 قال الأب لا أكيد تمزح قال مادري عنك انت إلي بديت بالمزح.

أبيخ النكت في اللهجة السعودية

مرة واحد غبي رجع من

السفر

شاف في بيته صراصير راح مغير القفل.
مرة واحدة غبي راح يخطب من ناس فقالوا له البنت تدرس، قالهم بمر بعد ساعة.
مرة واحد غبي قال لابنه اطلع اسقي الشجر، قاله ابنه: يبا السما تمطر، قاله الأب لا تسويها حجة خذ معك شمسية واطلع.
مرة واحد بخيل احترق بيته فاتصل على المطافي دقة واحدة وقطع التلفون.
مرة واحد راح يودي انبوبة غاز، وهو رايح قال لأمه إدعيلي يمه قالت إن شاء الله تنفتح في وجهك.
مرة واحد شارب أمسكته الدورية قاله العسكري: إنت شارب، قاله لا أنا لحيه.
غبي طلع على الطابق الأول يبي ينتحر شافه أخوه وقله ويش تسوي عندك؟ جاوبه ابغى انتحر قله أخوه إذا تبغى تنتحر اطلع على آخر طابق جاوبه ويش تبيني أموت.
في مجموعة أغبياء اخترعوا باص بالعرض ليه؟ عشان يركبوا كلهم قدام.
في واحدة تقول لزوجها اطرد السائق بغى يذبحني مرتين، رد عليها اصبري خل نعطيه بعد فرصة أخيرة.
في أعمى وأحول وأطرش دخلوا السينما قال الأعمى: تراني سمعت الفيلم لكن ما شفته، قال الأطرش: أنا شفت الفيلم لكن ما سمعته، قال الأحول: أنا أحسن منكم شفته وسمعته مرتين.
مرة عجوز تدرس في محو الأمية وهي في

اختبار

في سؤال يقول 10-10 فجت المدرسة تبي تغششها قالت معك عشر برتقالات أكلتيها كلها وش بقي؟ قالتلها القشر.
مرة عجوز تدرس في محو الأمية وكان موضوع الدرس دخل فهد خرج فهد، وقت يدخل فهد تغطي وجهها ووقت يخرج فهد تفتح عن وجهها، وقعت رجعت إلى البيت سألها زوجها ويش درستوا اليوم؟ قالتله فهد ما خلانا ندرس وهو داخل خارج علينا.[1] [2]

نكت تموت ضحك في اللهجة السعودية

واحد طايحة كل أسنانه ما عدا الأنياب راح قدّم على وظيفة عينوه خرامة.
واحد بخيل طاحت فلوسه من فوق السطح نزل ما لقاهم ليه؟ عشان نزل أسرع منهم.
واحد نذل يبي يطلع من موقف

السيارات

شاف واحد بيجي مكانه راح رجع مكانه ونزل وأخذ سيارة أجرة.
واحد غبي دفن حاله في التراب، ليه؟ عشان يسوي فيديو كليب أنا عايش ومش عايش.
واحد مسطول راح عزا سأله واحد عزيت؟ قاله المسطول لا عالديزل.
واحد مسطول معاه قنبلة يدوية راح فاتحها قالوا له: راح تنفجر، قالهم مو مشكلة معاي وحدة ثانية.
واحد مسطول قبل لينام يحط جنب السرير سطل مويه، ليه؟ عشان يغرق في النوم.
واحدة سمعت صوت في الليل صحت زوجها قالتله قوم شوف يمكن حرامي، قالها زوجها: قومي انتي يمكن تكون حرامية.
واحدة حلمت في محشش يلحقها من مكان لمكان، قالت له ويش تبي مني؟ قال مدري أنتي اللي تحلمين.
ولد بيقول لأبوه أخذت 10 من 10 في كل المواد، قاله الأب ممتاز، ويش هم المواد؟ قاله الابن: واحد في مادة العلوم واثنان في مادة الإنجليزي، وثلاثة في مادة الرياضيات، وأربعة في مادة العربي.[2]
واحد عنده ثلاث

بنات

مجانين أخذهم في يوم من الأيام على المستشفى عشان يعرضهم على الطبيب ويتأكد من الموضوع صحيح ولا لا، بعد ما شافهم الطبيب قال لازم نعمل لهم اختبار فدخلهم غرفة وشغل لهم المسجل، المهم اثنتين منهم قاموا يرقصون والثالثة جالسة عادي، يوم شافها أبوها مرة انبسط قال الحمد لله طلعت وحدة منهم سليمة قام أبوهم وأخذهم عشان يرجعوا البيت وقام عند العاقلة وسألها ليه ما رقصتي مع أخواتك؟ قالت له: يبه لا تحرجني شلون أرقص وأنا العروس.[3]