تسريب تسجيل والد حسام حبيب زوج شيرين

وجاء في التسجيل الصوتي أن المنسوب لوالد حسام حبيب بأن ابنه المطرب الشهير  يتحكم في جميع الحسابات المالية الخاصة بالفنانة شيرين عبد الوهاب ويسحب ما يشاء من أموالها.

وأضاف في التسجيل أنه يجب أن يكون لابنه نسبة من أموال شيرين عبد الوهاب مثل التي كان يأخذها مدير أعمالها السابق ياسر خليل خاصة أن ابنه لا يعمل حالياً وابتعد عن الفن وتفرغ لإدارة أعمال زوجته.

وتابع الأب قائلاً: “أنا عارف حسام ابني دماغه سم وهو ذكي جدًا ومش سهل، فأكيد هو في دماغه حاجه ومأمن نفسه”.

كما كشف صاحب التسجيل الصوتي خطته لزواج حسام حبيب من آخرى لإنجاب الأطفال قائلًا: “نفسي يبقي عندي حفيد، وبعدين نفسي أجيب عيل أنا نفسي أخلف أنا كمان”. 

و أوضح الأب أن شيرين لا يمكنها الانجاب لتقدمها في السن قائًلا: “حتى لو مابتخلفش، واحدة خلاص عندها ٣٩ سنة وقربت على ال ٤٠ احتمال الخلف عندها ضعيف وهما بقالهم سنتين اهو ماخلفوش لية، هي سافرت امريكا بس ماقالوش عملوا اية في امريكا، كانت بتعمل رعاية صحية بتعمل تحاليل وبتكشف وبتعمل استشفاء في امريكا او بيسموها check up بتطمن على نفسها، وهو عمل كمان فحوصات عشان يشوف نفسه الخلفة كويسة”.

وأضاف :”ليه حسام مايتجوزش بالسر مثلا، انا فكرت في خطة حلوة اوي، انا هقوله يجي يتجوز ويخلي مراته عندي، ومايقولش لشيرين ويبقى يجي يقابلها هنا عندي، هو ساعات بيروح يقعد عند امه في الرحاب في التجمع، المهم مرات حسام تقعد معايا هنا، وحسام يبقى رايح جاي من غير ما يقول لشيرين، لما تحمل وتخلف ويبقى عنده عيل فرحان كده بيه عايز يقولها يقولها مايقولهاش هو حر، هو مقتنع بكلامي”.

والد حسام حبيب يكشف كره والدته لشيرين

كما تم الكشف في التسجيل الصوتي أن والدة حسام حبيب لا تحب شيرين قائلًا: “ايمان أم حسام مش بتحب شيرين، إيمان تنكه، وعامله زيالمليونيرة لما يفلس هي صرفت الفلوس اللى أبوها سابهالها وصرفت فلوس حسام، وشيرين بتبقي عايزة تقولها بتتنكي على أيه ده أنا عزماكي وهتسافري على حسابي والفندق على حسابي”.

وروى تفاصيل الرحلة التي طرت فيها شيرين والدة حسام واخته والتي انتهت بطلب شيرين للطلاق لكنه لم يتم.