ماذا قالو عن الرياض
عن
الرياض
قالوا الكثير والكثير مِن العبارات الرائعة وبصراحة ما مِن واحدة مِن هذه العبارات أخطأت أو جاملت في التعبير فالرياض واحدة مِن أجمل وأروع
مدن المملكة العربية السعودية
وفي جمالها وروعتها تغنى الشعراء والكتاب فكتبوا أروع
الابيات الشعرية
وأبلغ العبارات.
ماذا قالو عن الرياض
1- ومن يلوم القلب في حُبك يا الرياض، عسى سحايب نجد يوم هلّت، تسقي قبر غالي رقد فيها، حي صوت رعودها، وحي طق مزونها، أمطري يا الرياض واغسلي كل الجفاف ارتوى من ماء ربّي، جعله هني يَا ديرتي من يلوم القلب في حُب الرياض كنّه يلوم الأرض في حُب المطر.
2- ليل ومطر والرياض، ما أجملها من ليلة، ليلة مطر فاح العطر من ترابك يالرياض فاتنة إنتي فاتنة لو تمتلي أرضك بياض أنشهد أنها فاتنة.
3- ليلَ نجد إلي بقى ليْ ما به إلا دمعتين وحزن غافي وجه ذابل والحنايا ما بها إلا كلمتين اشتقت لك.
4- في صبآحك يالرياض أعشق ألوان المدينة وأعشق ألوان الصبَاح أحتري ضو النهار ولا بدى يظهر آحار من السوالف والحكي مدري أبسم أو أغار أو أفضفض للعصافير البعيدة أوأقلب آخر أوراق الجريدة أو أطير من الفرح في مسافات القصيدة في طريقي المحك طفلة صغيرة ماتعرف إلا البياض.
5- ولو أشوف وما أشوف مثل صبحك ما أشوف يا صبآحي يالرياض.
6- داوي جروحي بقربك يالرياض وانثري حبّك على اللي يعشقك لا تلوميني وأنا كلي بياض.
7- ليالي نجد ما مثلك ليالي غلاك أول وزاد
الحب
غالي ليالي نجد للمحبوب طيبي أمانة نور عيني بالليالي.
8- الغلا في نجد فطرة، من يلوم القلب في حب الرياض.
9- وشْ أبي بذيك الأماكن دامك إنتي غايبة دام صوتك ودع إحساسي وراحَ ما استراحَ يشهد الله ما استراح.
قصائد عن الرياض
عن الرياض نشر الشعراء الكثير والكثير مِن القصائد الرائعة ومن هذه القصائد المميزة:
1- الله يمسي ديرة الخير بالخير الله ينورها ويجلا ظلامه عسى السحاب يمرها بالتباشير يهل من وادي لبن للثمامه قلت الرياض وانكشف سرها لبير قلته وناحت وسط صدري حمامه قلت الرياض وطار من مهجتي طير مشتاق له والقلب زايد هيامه يا سعود يا طول السفر والمشاوير يا سعود طولنا عن أهل
الشهامه
وين الحبايب والأهل والمناعير ودي بشوفتهم ولو به ملامه أغراب والغربه هجوس وتفاكير وموج الهموم اليوم زاد التطامه شهرين ماجتنا ردود ومعاذير شهرين والهاتف سكت عن كلامه الله يصبرنا على هالمقادير بفراقهم لا ما نعرف ابتسامه يارب عجل بالفرج والتياسير يارب رجعنا لها بالسلامه.
2- جيت أشوفك في عيونك شفت أنا كل الرياض وأنتي تحكي كم لمحت بقلبك الطيب بياض وكم تملكني شعور عذب وايدك في يدي وصرت أحسّ أن الرياض بحضرتك بالشوق فاض مدري فيكم أي واحد يسكن الثاني أمانه يسكنك أو تسكنينه يا دفاه ويا حنانه منك ياخذ كل سحره وأنتي يا سحره أعرفك تاخذين اللي تبين بلا جدال ولا أعتراض ولو يبي يزعل بكيفه لا يهمك مهما يزعل دامك أنتي وسط قلبي ما عليك من الرياض كم مدينة جت تمنى معك قصة حب وأكثر كم وطن ضيّع حدوده من سمع فيك وتبعثر والله مدري كم؟.. لكن الأكيد أني أحبك وأن هذا الحب واقع مو مجرد أفتراض ليه أحس أن الرياض أحيان كن ما به أحد وليه أحس أحيان أنك أنتي صرتي كل أحد الشوارع والمباني والبشر حتى الهوا المسا والصبح وأكثر.. باختصار: إنتي الرياض ما للرياض أحباب إلا إنتي وعيونك مثلي أبد ما تاب للحين مجنونك.
قصيدة قلبي تولع بالرياض
قلبي تولّع بالرياض حب ورثته من الجدود يا صفحة ناصعة البياض زرعتي الصحرا ورود يا نجد يا أرضي وسماي يعجز عن الوصف اللسان الحب مالي فيه رأي وما أظن لي غيرك مكان العشق في دنياي هي وفي شمسها بسمة وضي في قلبك الشوق الكبير حاكني عنّه شوي حاكني عنّه شوي اليوم من بعد الشتات صارت مثل وصف الجسد في عز في أمن وثبات في ظل أبو فيصل فهد وذراعه اللّي له يمين ولي عهده الأمين واخوانه وكل آل سعود والشعب كلّه مخلصين برد وسموم نحبها في سلمها وفي حربها نحبها.. نحبها.. نحبها مملكتنا عشق كل المسلمين ما أكثر الحسّاد واللّي عاشقين والله إنّك دمنا بعروقنا للعمر دونك ترانا مرخصين.
قصيدة يا وطن
غنيت حبك يا وطن ولثمت بحروفي سماك وعشتك أكثر من زمن وسقيت من عرقي ثراك إنت الأبو وإنت الولد وإنت التغرّب والبلد وإنت الشدايد والرّخا أموت وتاريخك خلد غنيت حبك ياوطن نبعك شرابي في الحياة يا نشوة العز وهواه لأجلك لو كفوفي تذوب وأمشي على جمر الغضاه غنيت حبك يا وطن.
شعر عن المملكة العربية السعودية
ارفع رأسك إنت سعودي طيبك جاوز كل حدود مالك مثيل بالدنيا غيرك ينقص وإنت تزود فارس وأجدادك فوارس وأصبحت لبيت الله حارس مغروس بالمجد وغارس في ميدان العز شهود علمك غانم وجارك سالم يخشى من هيبتك الظالم راعي صمله دايم وألم سيف وقلب وفعل زنود في العالم ما مثلك مسلم دايم بالفضيلة محرم والخايف في دارك منعم عن دخيل حماك تذود دايم سيفك بيدك سله ما تغمد سيفك من ذله وحجاجك دايم منفله وإنت بنصر الله موعود فهد القايد فهد الرايد فهد الصقر الحر الصايد والعيد بفضل الله عايد وسعودك يا وطن سعودي.