الأمير

بدر بن عبد المحسن بن عبد العزيز آل سعود

ولد في 2 أبريل 1949 ، وهو من مواليد

مدينة الرياض

وهو الابن الثاني للأمير عبد المحسن بن عبد العزيز من أبنائه الذكور ، ووالدته الأميرة وضحى الحمود الرشيد ، وقد نشأ في بيت أبيه المحب للعلم والأدب وقام بتلقي دراسته الإبتدائية بين المملكة العربية السعودية ، ومصر ، ثم قام بالإنتقال للمرحلة المتوسطة في مدرسة الملكة فيكتوريا في الإسكندرية ، وتلقى دراسته الثانوية في السعودية ، وتلقى دراسته بعد ذلك بين بريطانيا والولايات المتحدة ، وقام بالالتقاء أثناء انتقاله بين هذه الدول بعدد كبير من الأدباء والمفكرين والفنانين مثل الشاعر أحمد رامي ، والموسيقار محمد عبد الوهاب ، وغيرهم .

وفي نهاية الستينات وبداية السبعينات من القرن الماضي تولى رئاسة

الجمعية السعودية للثقافة والفنون

وكان سبباً في الارتقاء بالجمعية . له الكثير من الأشعار وغنى له كبار الفنانين .

حياة الامير بدر بن عبد المحسن الأدبية

قام بالعديد من الأمسيات الشعرية ، وأقيمت أول أمسية شعرية له في نادي اإتحاد بجدة ، وتوالى في القيام بالأمسيات الشعرية في البحرين ، والإمارات ، والكويت ، وذلك بالإضافة لأمسياته الشعرية في المملكة .

الشاعر بدر بن عبد المحسن بن عبد العزيز آل سعود معروف على الساحة السعودية والعربية وأحد أبرز روّاد الحداثة الشعرية في الجزيرة العربية لُقّب بـ مهندس الكلمة، بعد المجهودات الكبيرة في وضع نصوص أدبية ذات مستوى راقي تجمع بين الغزل والفخر والرثاء والواقع الاجتماعي والسياسي للعالم العربي .

اهم أشعار وخواطر الامير بدر بن عبد المحسن

سافري

سافري كان يرضيك السفر	جربي لو ورى ليلي صباح
بدلي الرمل بأمواج البحر	واتبعي الغيم تحملك الرياح
سافري لين تبكين المطر	واضحكي لين ما يضيق البراح
ولا تعبتي وحسيتي بضجر	خلي الشوق لديارك جناح
أرجعي في ابتساماتك عذر	مثل ما الدمع في عيني سماح
انتي العين من طول النظر	وانتي القلب من كثر الجراح

الروح الجريحة

يا عذولي .. وش تفيد به النصيحه	لا تعذل القلب .. وجروحه طريّه
من يداوي علة الروح الجريحه	ومن يسلي دمعة العين الشقيه
ان شكيت من الهوى .. قالوا فضيحه	وان سكت استنقدوا جرحي عليه
وان نويت البعد .. ضاقت بي الفسيحه	وان بغيت القرب .. خان القرب فيه
من عذلني في الهوى الله يبيحه	ومن عذرني .. ما حصل مني خطيه

سيف الغضب

أفداك أنا كلي ..

عودي غصن يابس ..

لا تحرقيني اليوم ..

حر .. وسموم .. وصيف ..

إنتي إجلسي فــ ظلي .. ولا جا الشتاء يمدي

لا تجرديني اليوم .. خليني في غمدي ..

سيف الغضب ماضي خلي الكلام يموت ..

ووقت الغضب ماضي .. لا ترجعيه .. بصوت ..

وش كثر أنا راضي حبيبتي عندي ..

قولي لي يا بعدي .. يومين ماشفتك ..

يومين مالي عيون ..

محروقه أجفاني بشموع إحساسي

كانت دموعي فوق وجهي وانفاسي ..

وظلي على كتفك .. وراسي على زندي ..

أفداك أنا والله لاتسمعي رعدي

ولا يزعجك برقي ..

انا لو شكيت أحلم ..

ما به زمن نندم .. ومابه عمر للخوف ..

إنتي احفظيني فم .. ولا تحفظيني حروف ..

ولو غرقت فــ يم ..

لا تعشقي بعدي ..

دروب الأرض

دروب الارض ..

توصلنا الاماكن وترجع !!

ويكفي هالسفر عذروب

بأن الارض ما تقوى الهروب ..

دروب وغير الارض

وين بتروح تسافر..

كان الصوت يرجع للحناجر ..

كان الجرح يرجع للخناجر

مثل كل الطيور اللي تهاجر

وترجع كل مرة

تعب هالبحر لا يجتاز

جدران السواحل

انا لي سنين راحل

حملت الطين

كله .. لكل الطين

قلي يا انا

الى متى وانت

على هذا الأنا مصلوب

دروب الأرض .. لكن

ذليل الدمع

أنا لانيب لاشاكي .. ولاعتاب كفاني اشطون	هواك اللي نثرته لاتعجب لاأنكسر كاسه
ترى ما يذبح العاشق مثل دمعٍ بكته اعيون	على موت الأمل واللي يحبه هو سبب ياسه
حبيبي ما خبرت الدمع يرقا وجنة المشطون	ذليل الدمع .. لابد يتحدر لو رفع راسه
بقالي عزتي ياللي على اللي ما سواها تمون	وأظنك ما سمعت بعاشقٍ قلبه عصى وداسه
أنا الحطاب في قاعٍ جرد ما به شجر وغصون	حداه البرد والليل الطويل وشب في فاسه

سوالف عرب على جال ضوهم

عبر العصور .. السالفه ..

كانوا العرب .. يشرون

المهر .. بمية ناقة

كانوا الرجال .. مثل الرماح ..

قاماتهم مشدودةٍ .. ودقاقة

وكانوا الحريم .. صبرٍ قديم

وفا .. وسماح ..

والى .. اقطعوا عن الفطيم .. الحليب

قصوا عسيب .. من انخله

واعطوه له وقالوا فرس

اعطوا الصغير .. سيفٍ خشب

ومجدٍ يحبه .. يوالفه

السالفه .. رغم الفقر

والجهل .. واوقات المرض

ماكان للبسمة غرض

ولا كان للدمعه .. غرض

ماكان في الدنيا .. سوى

ثوب ورغيف .. وعرض نظيف

وكرامةٍ ماهي تمس ..

السالفه .. اني أحس

انا عكسنا السالفه

صحيح قهرنا الفقر

والجهل .. وايام المرض

لكن غدى لكل شي .. غرض

السالفه .. ان القديم

كله غدينا .. انخالفه

ابدون وعى .. والابوعى

ماانتم معي .. انها قديمه السالفه