شعر حب خليجي

بحور الشعر

لا تقف على مكان ولا زمان ، ولكن من

الجاهلية

الى الان والشعراء والشعر لها بحور لا تتوقف ، ومعنا اليوم اشعار عن الحب من المنطقة الخليجية وبلاد الخليج العربي ، تتسم بالروعة والجمال والرومانسية ، لنقرأها سويا خلال السطور التالية

اشعار رائعة عن الحب كتبها شعراء خليجين

ودك تنامين

ودك تنامين؟! نامي يا بعد عيني

باين عليك التعب من أمس سهرانه

من ليلة البارحة.. وأنت اتداريني

شوفي المراية اعيونك حيل تعبانه

نامي لك شوي لو ساعة وخليني

يا بنت عمر

السهر

ما يغمض اجفانه

ولاني بطاير من ايدك.. هذي ايديني

ما دام فكري معاك اختل ميزانه

لو ترخي الشال لعيوني وتنخيني

اجيك فزعة اخو ذباح لاخوانه

صومي عن الناس سمي وافطري فيني

يفداك قلب تربى بطيب جدانه

انا ظلالك ما دام الله معافيني

الله عطاك الغلا المعبود سبحانه

انا ادري انك نسفتيني.. وتلفتيني

مهما خسرتي معايه دوم ربحانه

نامي وباكر بكيفك.. طلعي عيني

القلب شرع لهمك كل بيبانه

واذا غفيتي امانة حيل غطيني

برموشك اللي من الأشواق رويانه

يا حبيبي فيك ظني ما يخيب

لو حصل من بيننا صد وجفا

شمس حبك في عيوني ما تغيب

وفي حنانك يا بعد عمري وفاء

فيك معنى الحب يا روحي يطيب

صادق شوقك وشوقي صفا

لو تروح بعيد من قلبي قريب

في غرامك هام قلبي واكتفاء

في غيابك مشتعل مثل اللهيب

ومن عرفتك شوق قلبي ما طفاء

صدق إني وافي يا أغلى حبيب

صادق ما فيه مثلي ب

الوفاء

بنت الكحيله مهرتي

وخيالتي من كل اصيل

ألقى عليها طربتي

بين المعنق والشليل

صدر وقطاة فلوت

العنق والساق الطويل

وقع الحوافر نغمتي

وحداتنا رجع الصهيل

أبوي وجدي قدوتي

لو ما لهم عندي مثيل

بالدين تفخر عزوتي

والرمح و

السيف

الصقيل

ماكر حرار ديرتي

ما في هل العوجا ذليل

مهما يقولون مهما صار مهما تم

أنت البدايات وأخر ساحل ومينا

في هرجة الناس بالعذال لاتهتم

لو هم يحسون فينا ماحكوا فينا

ماعقب شرب الصبر والمر والعلقم

شي على طاري الفرقا يودينا

حنا اجتمعنا وشمل العاشقين التم

خضنا حروب الهوى فزنا وردينا

اهواك ماهي مواويل بها اترنم

ترى المواويل هي اللي تغنينا

منا الوفا ياوفي الروح يتعلم

وكل التعابير تبحر من شواطينا

حبيب عمري حياة القلب خل الهم

تقسي الليالى ولكن ما تقسينا

وان كان جدت جدايد حبنا اقدم

ولا عاش راسٍ على الدنيا يبكينا

الليله احساسي


غريب

عاشق و انا مالي حبيب

حبيت .. كل الناس لاموني

حبيت كل احبابي باعوني

قلت احب الحب احسن

قلت احب

الحب

اضمن

لا احن ولا اتوه ولا بعد في يوم احزن

رضيت باقداري ونصيبي

صرت محبوب الحبايب

وصار كل عاشق حبيبي

الليله غير

شعوري غير

اشواقي غير

حتى الاغاني غير

صدري سما و احساسي طير

بس طيفك ما تركني

ظل ساكن تحت جفني

كان وافي

كان يذكر وانت جافي

انت وينك ؟

كان هذا الفرق ما بيني و بينك

جيتني تشكي الزمن

وجيتك أبي أدفى

لقيت في قلبي وطن

ولقيت بك منفى

يا حبيبي فيك ظني ما يخيب

لو حصل من بيننا صد وجفا

شمس حبك في عيوني ما تغيب

وفي حنانك يا بعد عمري وفاء

فيك معنى الحب يا روحي يطيب

صادق شوقك وشوقي صفا

لو تروح بعيد من قلبي قريب

في غرامك هام قلبي واكتفاء

لايطول غيابك … ثم اخذ عليه

لو تخليت عني … عنك قلبي ماتخلى

العذر والتعلل والحكي … ما نبيه

من تحرك فؤاده … بالهوى ما تخلى

طبعي

الصبر

لكن وش عليه ارتجيه

من طويل الصبر يعقوب وايوب ملا

دامني حي عطني وش بقي نحتريه

ما بي دموعك …اللي عقب موتي تهلا

ما بقي بالعمر مقدار ما راح فيه

كل مازل يومٍ … يوم بالعمر ولى

مايعرف الجمر مثل الذي يكتويه

احد يدفا بناره … واحد فيه يتصلى

يا من القلب حطيته براحة يديه

ما رضى له مكان غير كفك محلا

كم تعذر وعيا عن هوى محتويه

لين طاح بيمينك بالغرام وتجلى

كنت احسب اني عرفت الحب قبل اعرفك

وعشقت قبل اعشقك واشتقت قبل التقيـك

وكنت احسب اني لقيت احباب قبل اوصلك

واثري توهمت في غيرك وانا كنت ابيـك

تعال نعطـش وتشربنـي وانـا اشربـك

تعال قبل الوعد اجلـس معـي نحتريـك

تعال شفنـي وانـا استنـاك كـم اشبهـك

يطري علي الف راي و راي واحتار فيك

اجي مكان الوعـد والا اسبقـه انطـرك

والا آخذ الموعد اللـي يحتريـك واجيـك

يا آخر الحب ذقـت الحـب فـي اولـك

ويا اول الشوق اقصى الشوق ما ينتهيـك

علمتني كيف اعرفك لين صـرت اجهلـك

ضيعتني فـي متاهاتـك وكنـت ارتجيـك

حبيـب الاحـلام يابـعـدك ويامقـربـك>

حـرام يكفـي تبعثرنـي وانـا احتويـك

ان شفتك بحلـم صدقتـه وانـا اتوهمـك

وان شفتـك بعلـم كذبتـه اليـن انتشيـك

اخاف اغمض عيوني وان رمشت افقـدك

واخاف افتح وتصبـح حلـم ولا التقيـك

يا هِبوب الوَرد والفِلّي

مطْلع قاصِد مـن اديـاري

مرحبا بك عَدّ ما أِنهلِّي

مالسِّحِب غَيث او ما ياري

او مرحبا مليون بالخِلّي

الغضي لي لِه انـا داري

لي حديثه إليه ايسلي

او من أَشوفه إتزول لكْداري

هُوْ دوا لنَّفْس مِ العلّي

هَو حياتي او جنّتي أو ناري

الوزير إيصيح ويهِلّي

دَمعْ عينه سايلْ أو iيـاري

يشتكي من كامِل الدِّلّي

من وليفهِ لَي خفى أوْ ذاري

عابر في محْملْ إْبشلّيِ

خاطفْ اّبنـاي وِيمـاري

سنِّة وِاْشَراعه إِمَّلِّي

مويتـه فـي بـرده إتبـاري

يالخِويْ كانك تبي اَلْخلّيَ

جـرِّب البنّـايْ للجـاري

واقْصِد اْلَمضنُون وإدَّلّي

خَابرنّكِ فطنْ في الـدّاري

اوْليْ شراتك نَبْه ما إيْزِلّي

لو ظَلام اللَّيْل غَـدَّاري

لَي لَفيته زاهي الحلي

لي ايرحِّبْ لَيـل وِانهـارِي

با يرحِّبْ بِك او بيهلِّي

با إتحِسّْ ابرَاحـتْ أفكـارِي

مِثل ما انْته كنت مِعتَلّي

به وِزا منِّك اُوْلُوْ ايـداري

فَرحتِك با تفِرحْ اْلَكلي

بينكمَ يَـا مانـعأسـرارايِ

قصيدة طويلة  مرني طيرك

مرني طيرك وفيه رحبت وهليت

‏وقلت يا هلا ومرحبا بمرسال الغالي

‏فـتـحـت رسـايـلـك وكـتـبـلـك رديت

‏مـشـتـاق لصوتك و يـاويـل حالي

هـذا الحـنان الـلي له الـقـلـب محـتاج

أرجـوك زيـــد بالعـطـا واحـتـويـني

وان كان شفت في وصالي لك احراج

فـي صمت أحبك بين قــلبي وبــيــني

مآطاح في قلب آلغلآ غير الأوجآع

ومآ شآلت كفوف آلندم/غير ضيقه

آثر آلغلآ لا زآد عن حدّه .. أنبآع

مثل آلدفى لآزاد .. يصبح حريقه

‏بالعيد مابي تباريك وحروف

أبي الهدايا والعلوم المفيده

ساعه معاها عطر ياخذ الشوق

وفلوس دامني على الحديده

الشطر الاخير واضح والا اعيده

‏ابيك حب ما إمتلك قلب انسان

وابيك قلب ما نبض غير فيني

وابيك شعر غامض دون عنوان

محـد قـراه الا رموشي وعيني

ﻳﺄﻣﺴﺎﺀ ﺍﻟﻬﻴﻞ ﯙ ﺍﻧﻔﺎﺳـــﮧ ﯙ ﻓﻨﺠﺎﻟﮧ

ﻳﺎ ﻣﺴﺎﺀ .. ﺍﻟﺸﻌﺮ ﯙ ﺍﻟﻨﺜﺮ ﯙ ﻣﻮﺍﻭﻳﻠﮧ

ﻳﺎ ﻣﺴﺎﺀ ﺍﻟﺤﺐ ﻻ ﻏﻄﻰ ﺍﻟﻔﻀﺎ ﺷﺎﻟﮧ

ﯙ ﺍﻧﺘﺸﺮ ﻓﻲ ﺍﻟﺤﺸـــــﺎ ﻳﻘﺮﺍ ﺗﺮﺍﺗﻴﻠﮧ

ما اعرف احكي مع غيرك وابوح

كل كلمه في ضميري تحتريك

خاطري ماطاب وشوله تروح

وانت تدري (ما امون الا عليك)

حِينّ أشتاقَ إليك

تتَغِير مَلَامِحِي

وَ يَتعَبُ قَــلبــِي

أقْسُواَ عَلىّ الجَمِيع ْدونّ ذنب لهُم حتى نفسي

وأنا لا أطلبُ تفسيرًا

ما قَتَلَ الحبَّ سوى التفسيرْ

إني أهواكِ وذاكرتي

في أقصى حالاتِ التخديرْ

ياهيه قلي كيف ودك. احكيلك

من باب حب وشوق ﻭﻻ صداقه

ﻫﺬﺍ ﺍﻟﺴﺆﺍﻝ ﺍﻟﻠﻲ ﻫﺪﻡ ﻗﻠﺐ ﻣﻐﻠﻴﻚ

بعد الجفي ﻭشلون ترجع علاقه

العيد عند الناس في راس شوال

والعيد عندي كل ماشفت خلي

لا أذن المغرب ناظرت الهلال

ولا كبرو ,ناظرت بدره يصلي

اتعبت قلبـي حيـل مـن زود حبـك

وتعبت أدور لك عن اللـي يرضيـك

صار الجفا يازين مـن جـد طبعـك

رغم ان قلبـي بالوفـا دوم حاويك

‏آلطف بشرع الله على قلب هآويك

‏ تسوق به للموت ويقول لك . سق !

‏وشلون مآ لك خص في جرح مغليك

‏وفي ميمنك خنجر وفي خآفقه شق !

الشمس في الشباك تبغي تصحيك

والنوم ماوده يفارق عيونك

قم وأسمع بقلبك حديث الشبابيك

يخبرك كيف العيد بارد بدونك

تعال اسولف لك عن الشوق يالليل

ليه البشر ي يا ليل تهجر بلا اسباب

وليه القلوب بهالزمن قاسيه حيل

لا تقدر العشره ولا تذكر احباب

يقولون إلحقه دامه يحبّك والهوى ذبّاح

وانا اقول المدى غمّض عيونه والمفارق زين

صحيح اللي يقول الطفل لا يقرب يديه سلاح

مهو من نيّته لكن غشيم وطلقته بالعين

أجل قلبي فتحته له ، يبيني اسلّمه المفتاح

عشان ان طقّت براسه قفله وأختفى بعدين

وأنا ما عاد في صدري مكان ٍ ما لحقه جراح

ولا ربي فرقني عن بقـيّة خلقه بقلبين